كويزاتها اختياريه و ميد و فاينل تحط فيهم سؤال بونص و الامتحانات ماتطلع برا السلايدات بس السلايدات شوي طويله و الدكتوره ماقصرت بالدرجات

خذيت عندها مدخل اضطرابات ونظامها 5 كوزات كل واحد عليه 5 درجات مجموعهم 25 ومدتيرم من 30 والفاينل45 وكلهم حيل صعبين مع انه تعطي بونص الا ان الشعبه نصنا درجاتنا موشي ومرات تلغي سلايدات وبووم نلقاهم بالاختبارات و شرحها عادي يعني مو سيئ ولا ممتاز

الدكتوره محترمه حيل وكوزاتها كانت سهله بس انصدمنا بالميد حطت لنا اساله ملغيه الفاينل مو احسن شي بس حطت سؤالين بونص ونقصت كل الكلاس اللي شارك واللي ما شارك بالمشاركه 5% من القريد و قريدات الكلاس اغلبها C

الشرح صفر ماتفهم كلش بس تحط السلايدات بالبروجكتر وتقرا والسلايدات شطولهم مصعبه الماده حدها حضور ومشاركه ماعليهم درجات ومنقصتنا كلنا 5% تقول محد يشارك خو انتي ماتعطين مجال بس تقرا السلايد وتمشي الكوزات سهله زينه والميد شطوله يصدع بس همن مو وايد صعب ولمن نسال شنو الاشياء المهمه الي نركز عليها تقول كلشي يعني وايد مصعبه الماده وتوها مدخل ماله داعي كل هذا

شرحها حلو وتفهم عدل بس لازم تدرسون لان امتحاناتها شوي صعبة

تعاملها معانا حيل حلووو وطيبه جدا و شرحها جيد بس مو حيل حلو ، تعطي كوزات بس يكونون سهلين وواضحين كلهم اختياري بس الميدتيرم الصراحه فيه كم سؤال صعب وطويل بس بنهايته عطتنا سؤال بونص ٥ درجات وهم بالفاينل سوت جذي مادري هي مسويه الاختبار ولا لا ، بس حقانيه وما ترفع ولا درجه بس تساعد بالتصليح إذا قنعتوها بالاجابه ،و ما تعطي واجبات وتعطي وايد اوفات ، والي يقولون جابت سؤال محذوف على فكره عطتنا درجته 🤷🏻‍♀️