.

صج انها طيبه بس الصراحه ما افهم منها دايما تقعد و تخلي الطلبه يشرحون و اذا اهي شرحت تضيعون،يعني انتوا اتدرسون نفسكم مو اهي و الوهقه وين لما الماده الي تعطيها صعبه و اذا كانت سهله هم تصير صعبه باختصار ان لاتاخذون عندها انحاااشوا❌❌❌ اذا خيرتوا بينها و بين دكتوره ثانيه اخذوا الدكتوره الثانيه منو ما كانت لان الصراحه ضياع و عادي جدا انتوا بنص الكورس و ماتدرون اصلا الكورس يتكلم عن شنو و فوق هذا كله تعطي شغل وااايد جنه اهي الماده الوحيده الي ماخذينها… و بس هذا رايي الشخصي و جم زميله كانوا معاي يوافقوني

👎

الدكتوره زينه بس تتأخر شكثر و هالشي يمحي الصفات الزينه يس كانت تعطي بونص و كيرف اخر الكورس و ممكن محاضراته اضافيه و بونص على حضورها

أخذت عند الدكتوره تهبل و عندها أسلوب و متعاونة مع الطلبه و جبرت لنا الأنصاص الدكتوره تفهم بس مو وايييد أنا أخذت خصوصي مع عبدالعزيز الماده يبي لها دراسة اول بأول و بصراحة راح آخذ عند الدكتورة كل مره و لكن مشكلتها تتأخر وأيد لكن هالشيء ما يأثر على شي

زينه وتفهم وتبي كل الكلاس يشارك تحب الي يشاركون و تحفظهم والي مايغيب ولا مره ممكن ترفعه بس الحضور والمشاركه ماعليهم درجات امتحاناتها نوعا ما سهله وتسوي رفيو قبل الامتحان ايي منه وتتاخر حيل ماتحط بونصات بالامتحانات تجبر ال75% تخليها 1 وسوت كيرف من القسم 2.5 بس والحضور والمشاركه ماعليهم

ادرسوا عدل والاختبارات ماتطلع من اللي تقوله حيل متعاونه مع الطلبة وتحب اللي يشارك معاها بالكلاس وتتأخر وايد بس ككل الدكتورة زينه اخذت عندها 211

الدكتورة شرحها مو اقوى شي بس زينه، كلاسها ممتع وكله تتاخر ، وتاخذ آراء الطلبه وتحب الطلاب يشاركون ، تسوي ريفيو مهمممة قبل الكويزات و الميد و الفاينل ، زينه ك دكتورة واختبارات بس شرحها مايُعتمد عليه حيل بالنسبه لي ، انصح تأخذون عندها إذا تعتمدون على دراستكم من السلايدات كافي

الإيجابيات : حيل متعاونه مع الطلبه و اسلوبها عسللللل حدها طيبه ، وحيل تساعد فهمتوني، وتاخذ راينا بكل شي حرفيا تسهل لنا امورنا الله يسعدها ، كلاسها ممتع وكله أمثله الصراحه خيال السلبيات : تتأخر ، و مرات تخلي الطلبه يقرون ويعني الشرح يكون وقتها عشوائي ومحد فاهم صفاتها : طيبه ومتعاونه، ما تحب التأخير والغياب ، تحب الي يجاوبون ويسألون ، اختباراتها احس نص ونص مو سهله ولا صعبه ( مع شورت نوت )

بالبدايه كنت احس الدكتوره صارمه و تبي تفرض قوانينها بس مع الوقت بينت شكثر اهيه خوش دكتوره ، لمن علق علينه الاونلاين عطتنا وقت اطول و تمشي على تصويت الطلاب اذا يبون تأجيل و عطتنا فرص زياده عشان نعدل درجة الامتحان و تشيل الاشياء الي صعبه و جذي يعني حيل مرنه و متعاونه تحب حيل الطلاب الي يشاركون ، اسلوبها حلو و مو جامده و جذي عادي ، الصراحه أحس عادي آخذ عندها مره ثانيه،

الدكتوره وايد زينه و طيبه ومتعاونه حييييل ما شفت منها إلا كل خير ، تحب الي يقعدون جدام و يشاركون و يتفاعلون معاها وتساعد الطلبه حيل حيل ، شرحها حلووو و سلايداتها كافيه ووافيه لدرجه تحط لكم بالسلايد شنو المهم وشنو الي مو مهم للاختبار وتسوي مراجعه مهمه مهمه قبل الاختبارات ، الي يركز معاها و يدرس اول بأول يضمن بإذن الله درجه عاليه عندها ، تتأخر بس ككل مافي مثلهاااا وارد اخذ عندها

عسل هالدكتوره الله يشرح صدرها ويسهل عليها مثل ما سهلت علينا المقرر كان جداً سهل وسلس عندها وامتحاناتها سهله بس تبي منكم تركزون معاها بالكلاس وتقعدون جدام وتشاركون وما تحب التلفون بس مو صارمه متفهمه ومتعاونه وبشوشه ودمها خفيف ودايماً مبتسمه اخذوا عندها وانتو مغمضين

الدكتوره عسل لا اتطوفونها عجيبه عجيبه اختباراتها سهله و اتسوي رفيو عالميد و الفاينل وهم الكوزات عجيبه لحد ايطوفها وتقسيمه الدرجات حلوه 20% كلاس اكتفتي اهم شي تحضرون حتى لو شاركتو و حلكم غلط تعطيكم اياهم الاختبارات فيها كل الاساله بس سهل ماتحب الي يمسك التلفون كلش ماتحب الكلاس ماتحسون فيه ايطير تشرح بسوالف وتعطي امثله و تخلينا انتفاعل معاها عجيبه اذا حصلت عندها اي ماده ثانيه راح اخذها وانا مغمضه

الدكتورة ماتشرح ولا تفهم ولا شي حرفيًا. موادها ايزي A بالنسبة لي واختباراتها بعد سهلة. خذيت عندها مدخل لغة للامانه مافي تأسيس كلش وتتأخر حيل و تخلي الطلبة يشرحون تأسيسها فاشل جدًا انا طلعت بمادتها A بس مستحيل ارد اخذ عندها مره ثانيه لا شرح ولا التزام بالوقت الطلبة الي يمدحون يهمهم القريد فقط مايهمهم انهم بتخصص طبي. ويبون اسئلة الاختبار اختياري فقط ❌❌❌❌

الدكتوره كلاسها ممتع وحيل متساهله مع الطلبه بس مشكلتها تتاخر عن الكلاس يعني والله تدش الكلاس بعد الوقت بنص ساعه او حتى ساعه وتحاول تشرح كل شي بعشر ولا ١٥ دقيقه! و واجباتها واجد و اختباراتها سهله وترفع وتحب المشاركه لازم نشارك وياها و عطتني قريد حلو وانا استاهل قريد اوطى ههه كثر خيرها ماتقصر