.

انصح بالدكتور ضاري من افضل الدكاتره اللي اخذت عندهم لكن لازم تدرس ما يقصر اذا كنت طالب مجتهد من افضل الدكاتره شرحً وعلماً وسمت نحسبه ولا نزكي على الله احد.

إلى حد الآن هو أفضل دكتور أخذت عنده ، الدكتور هذا مستعد يشرح لك من المقرر وخارج المقرر بس على شان يوصّل لك المعلومه على اكمل وجه ، شرح لنا مادة المذاهب الفكريه شرح وافي جداً جداً ، هذا غير اخلاقه العاليه وتقديره للطلبه المتميزين والمجتهدين عنده ، يعطي بونص يصل الى ١٠ درجات ، وتميّز الدكتور بجدّيته في شرح الماده والانتظام بالشرح وما عنده اعتذارات واجد.

النهائي ٥٠ الفصلي ٣٠ ١٠ حضور وغياب ومشاركة ١٠ تكليف يعطيك كتاب كامل تلخصه بخط اليد ويعطي حرمانات وانذارات وعنده بونص الي مايغيب ولا يوم يرفعه حقاني ومايحب الواسطات محترم

دكتور عنده علم ماشاءالله ومحترم ويرفع اللي ماتغيب كلش واختباراته واضحة بس يبيلها دراسه حيل وكتابه

من اقوى دكاترة الشريعه في الشرح و ماعنده مشكله يشرحلك لين تفهم و يشرح لك شنو ماتبي لو برا المحاضرة دكتور محترم و اخلاق ونعم الدكتور ليتني عرفته من زماان و الكورس هذا غير طريقة الفاينل فصار كلة اختياري وطلعت منة بA رفعني

اللهم بارك شرح وسمت واخلاق يحب مادته وفاهم فيها ويحرص على ادخال المعلومة في مخك ومحب ومقدر لطبة العلم واهم شي المشاركة

من افضل دكاترة العقيدة و كلما اجد مقرر لديه اسجل و الدكتور اذا رأى من الطالب الاجتهاد و نقص قليلاً زاده فزادني كثيراً عندما راني مجتهد جزاه الله خيراً درست عنده في مقررين و ابحث عن مقررات اكثر لديه و اختباراته مباشره و سهلة و من الدكاترة القلة الذي تستفيد منه فعلاً و اسال الله يبارك له في علمه و يوفقه و من يقول الدراسة لديه صعبه فهو والله اعلم يريد الدرجة بسهولة

من خيرة دكاترة الشريعة يعطي المقرر حقه و زياده ، من الدكاترة الي يبيك تطلع من المقرر و انت مستفيد ، محاضراته ممتعة جدًا ، مااا يقصر إذا شافك ملتزم بنظامه ، مهم تحضر أول يوم عشان تعرف نظامه اخذت عنده ٤ مقررات و كلهم A بفضل من الله ثم بيسر من الدكتور جزاه الله خير و نفع بعلمه و بارك فيه

من افضل دكاترة الشريعه خذيت عنده ثقافه اسلاميه الشرح ممتع و يفهم و حقاني مع اللي ما يلتزم و عنده الحضور مهم و المذكره اهم لانه يخلي الطلبه يقرون بعدها يشرح و يرفع اللي ملتزم بالحضور و خذيت عنده A و لو القى عنده ماده حتى لو مو محتاجتها بسجل عنده بدون تفكير